Quànt la tenda sa spalanca

 

Per saì argòt da la claüsura

va ‘nvide töi a ‘nda a trùa

la nòsta cara Suor Daniela

che i’è tance agn che l’è la’.

 

Quant sa va ‘n dal parlatòre

gh’è ‘n silensie…. fa pòa freschì,

ta ardèt le sbare, la tenda scura

ta e quazi i sgrisuli!

 

Po’ ta sèntet da luntà

dì pasetì vicinàs.

E quant urmài l’è vizìna

“sia lodato Gesù Cristo” dìs ‘na ùs bela e fina.

 

La tenda d’un bòt la sa spalànca,

alùra sé che ‘l fiàt  al ta manca,

ta la èdet lé,tota cuntenta

col ciar del sul lé da dré

la ta arda ,la fa ‘n ghignét

la ta dumanda “cume ta stét ?”

 

Da Sestén la òl saì

la prega per töc apò da luntà

la tira le éste a qualche Sant

se argü l’è adré a trubülà.

 

La ta cünta la so giurnada:

le suore malàde da cürà,

töt al dé ‘ndafaràda

tante urasiù e mia poch laurà.

 

Ma sa èt che l’è serena

Vizì al Signùr che ‘l ga òl bé

Per l’amor che i la lìga

Ga pìza gnà ‘na fadìga.

 

Suna la campanèle, ga toca ‘nda,

ta dispiàs ègnvià da lé,

quante robe amò da cüntà

ma töte le olte vùla ‘l temp.

 

Sa salüdem, la ta dìs

“sta tranquila, sa giösta töt!

Stüfarò argü ‘n paradis,

te però scrìem, fam saì argòt!”

 

Ta ègnet vià püsé ligéra

T’al sét che la farà tant pèr tè,

ta dizarét,  quant le ta è ‘n ment, ‘na preghiera

perché la ta décc: ”prega apò per mé”

 

Anna Facchi – Settembre 2014