“Söl Piasól Da La Céza”

 

Pèr la nòstra paròchia la sia metìda magra:

sénsa preòst, pié da camèi e gnànche pö la sàgra.

 

Adès al prét g' ha l' èm e guai a chi la tóca,

l ' è sémpre töt ciapàt e con al bufù 'n bóca;

però a vardàga bé, 'l par pròpe bèl lügüt

anche se últre al prét g' ha tóca fa 'l magüt.

 

L' è riàt da Lunedé, quasi n' impruizàda;

se órem tègnel che, tóca fàga la gnàda.

Alúra töi ansèma, sensa nisün prugèt

g' hèm da finìla fóra prima che rié 'l frèt.

 

Ma quànt ga pénse súra ma rèsta 'n döbe amlético:

- L' è mèi 'l melù o l'ingüria? -

- L' è mèi 'n mestér cremàsch pensàt an frèsa e füria

o sbàtesen le.....scàtule cumè i g' ha fat an cüria? -

 

Sa rangiarèm istès, riarèm anche al traguàrdo

e ciaparèm la cióca al dé da San Bernardo!!

                                                                                         

 

 

                                                                                                                Alberto Geroldi (Agosto 2000)

Crema - CR